Areoso en kaiak
![AREOSO-9.jpeg](https://galiciadestinosostible.com/wp-content/uploads/2024/03/AREOSO-9.jpeg)
Estás a pensar en como ir a Areoso? Entendémoste. Areoso é unha contorna natural sen igual que paga a pena coñecer. Por iso, propoñémosche o noso servizo de alugamento de kaiak. Con el poderás facer unha ruta ata o illote de Areoso en kaiak e coñecer este espazo natural protexido. Porque estamos seguros de que, dándoo a coñecer, podemos axudar a conservalo e poñelo en valor, velando por que se coide e se respecte.
A través do noso servizo de alugamento de kaiak, queremos que teñas a posibilidade de realizar unha ruta que te conecta coa natureza, permitíndoche coñecela, e que pon en valor o illote de Areoso dunha forma saudable para ti e sostible para o medio.
É curioso como un lugar tan pequeno pode albergar tantos tesouros. Un paraíso ao teu alcance que podes descubrir coa ruta ao illote de Areoso en kaiak.