CALDAS DE REIS
Unha vila tranquila, ideal para relaxarte con numerosos recantos máxicos.
Esta vila, debuxada polo leito do río Umia, garda recunchos singulares definidos por saltos de auga, fervenzas e un bosque de ribeira. Ademais, é moi coñecida polas súas augas termais, que podemos apreciar no centro da vila, cunha temperatura media de 44 °C, con fontes e pías públicas.
Outro punto que salientar nesta localidade é o parque-xardín botánico e carballeira, declarado Ben de Interese Cultural. Este xardín histórico conta con especies de árbores dos cinco continentes.
Tamén cabe destacar que o municipio conta con vestixios romanos, como a Ponte Bermaña ou a Ponte Segade.
Todo isto conforma un singular enclave con encanto que non podes deixar de coñecer.

ADEGA PAZO BAIÓN
Esta adega, cunha gran historia que percorre séculos de ouro e de escuridade ata chegar ao día de hoxe, conta cun proxecto vitivinícola único que une cultura, arquitectura e o viño albariño. Todo isto será o que descubriredes na visita.

ILLA DE CORTEGADA
Esta illa, pertencente ao Parque Nacional das Illas Atlánticas, alberga o maior bosque de loureiros de España, que conviven con outras árbores centenarias autóctonas.
Coa visita guiada incluída nesta escapada poderás coñecer a súa historia e a súa natureza.

O PREZO INCLÚE:

2 AD Hotel Pousada Real.
Visita guiada con cata ao pazo Baión.
Visita guiada á illa de Cortegada con Amare Turismo Náutico.
O PREZO NON INCLÚE:

Entradas a museos ou monumentos non indicados.
Guías oficiais, agás nos lugares indicados no apartado «inclúe».
Gastos extras no hotel ou servizo non indicado anteriormente.