Desfruta dunha visita guiada polo centro histórico de Pontedeume, vila das Rías Altas de Galicia situada aos pés do monte Breamo, na desembocadura do río Eume e na boca do océano Atlántico.
Tras as súas pedras e calellas agóchase un pasado cheo de historia cun importante papel no devir e desenvolvemento da comarca durante o século XIV e resto da época medieval. A herdanza desta época gloriosa son un gran número de monumentos e restos que teñen moito que contar.
A zona vella de Pontedeume está repleta de pegadas dun pasado que a fan fascinante e mística á vez. A marca indeleble da familia Andrade e o esforzo do arcebispo de Santiago, Bartolomé de Rajoy y Losada, entre outros, deixaron na vila unha serie de monumentos e espazos de obrigada visita: o torreón dos Andrade, a igrexa de Santiago, a praza do Conde, o convento de San Agostiño…
Dar unha volta pola zona vella e impregnarse de toda esa historia é regresar á época dourada de Pontedeume.
Ven gozar desta visita e pasa dúas noites en Casa Piñeiro con almorzo incluído.
Adéntrate nas calellas e descubre o Pontedeume máis medieval!
Prezo mínimo para dúas persoas e suxeito a modificacións segundo a temporada – Non se admiten nenos nin mascotas – Inclúe noite de hotel, almorzos e ruta interpretativa de 2 horas polo centro histórico de Pontedeume.