Xornada de escalada con vistas no monte Galiñeiro (Gondomar)
![Foto-producto-1-escalada.jpg](https://galiciadestinosostible.com/wp-content/uploads/2024/03/Foto-producto-1-escalada.jpg)
No marco incomparable da ría de Vigo, coa súa barreira natural das Illas Cíes e Ons (Parque Natural das Illas Atlánticas), atópase o noso lugar de actividades: o monte Galiñeiro. O pico máis elevado, de 709 m, está en Gondomar. É un dos cumios máis altos das Rías Baixas e o seu cumio é un verdadeiro balcón a toda a área metropolitana de Vigo, ao Val Miñor e ao Val do Louro, así como ao infinito océano Atlántico.
Vivir unha experiencia na montaña é un plan divertido; e se é subindo e gabeando cos teus amigos/as e compañeiros/as, cadaquén ao seu ritmo, inda mellor.
Respirar na montaña, agatuñar coma un gato ou unha cabra, vencer os medos e superarse, sacar forzas, superar límites e divisar unhas vistas de escándalo son, sen dúbida, un aperitivo do que supón escalar.
Inclúe técnicos/monitores especialistas e material (casco e arnés) – Xornada de 4 horas de duración – Idade mínima para participar: 6 anos.