Unha forma única e diferente de facer a peregrinación a Santiago é realizando un itinerario marítimo en veleiro, como fixo hai séculos o apóstolo Santiago. A Travesía Náutica Xacobea é un novo camiño recoñecido oficialmente que permite obter a Compostela recalando nos recantos mariñeiros máis emblemáticos das Rías Baixas. O requisito principal é realizar a travesía facendo un mínimo de 90 millas náuticas e ir selando en todos os portos que marca a ruta. Finalmente, para completar o Camiño, terás que andar os últimos 7 km do Camiño Portugués dende a vila do Milladoiro e selar na capela que lle dá nome e na Oficina do Peregrino así que chegues á capital galega.

Ruta Marítimo Xacobea da ría de Arousa de 3 días: 3 noites a bordo dun veleiro + ascenso do río Ulla en lancha motora (1 hora e 30 minutos) e 1 día camiñando (7 km do Milladoiro a Santiago). Con saída dende o porto de Vigo e chegada ao porto de Boiro ou Vilagarcía de Arousa, é unha travesía de 3 días navegando (90 millas náuticas) onde percorremos as rías de Vigo, Pontevedra e Arousa. O último día faise o ascenso do río Ulla en lancha a motor e os últimos 7 km camiñando dende O Milladoiro ata chegar a Santiago de Compostela.

Día do embarque – Recibimos o peregrino no porto de Vigo – Real Club Náutico de Vigo. Dependendo da hora de chegada, o peregrino poderá acomodarse no barco, deixar a súa maleta a bordo e aproveitar o día para coñecer a cidade, visitando a súa zona vella, a zona do porto e as rúas principais pola súa conta ou mesmo facer unha ruta guiada.
Noite amarrados no porto de Vigo a bordo do veleiro.

Primeiro día de navegación – (20 millas +/- 25 millas). Comeza o Camiño a vela: partimos de Vigo rumbo a Baiona (porto de saída oficial; Monte Real Club de Yates de Baiona) – Parada para poñer selo na nosa credencial en Cangas e coñecer esta vila mariñeira (paraxe de 1 hora e media) – Embarcamos para tomar rumbo ás Illas Cíes (Parque Nacional Marítimo-Terrestre das Illas Atlánticas de Galicia) e xantar fondeados neste paraíso sen igual – Navegación á tardiña para atracar na vila de Baiona, onde selamos a credencial e facemos noite. Cea libre.
Noite amarrados no porto de Baiona a bordo do veleiro.

Segundo día de navegación – (26 millas +/- 30 millas). Partimos de Baiona rumbo á illa de Ons (Parque Nacional Marítimo-Terrestre das Illas Atlánticas de Galicia) – Parada para xantar e probar a súa famosa gastronomía – Pola tarde recalamos en Sanxenxo (paraxe de 1 hora e media) para selar a nosa credencial e dar un paseo – Á tardiña saímos cara a Portonovo para facer noite. Cea libre.
Noite amarrados no porto de Portonovo a bordo do veleiro.

Terceiro día de navegación – (30 millas +/- 35 millas). Partimos de Portonovo rumbo a San Vicente do Mar (O Grove) para selar a nosa credencial e dar un paseo por esta zona tan bonita da costa (paraxe de 1 hora e media) – Navegación entrando na ría de Arousa; dende o barco observaremos o illote da Rúa, o Guidoiro Areoso e a Illa de Arousa, onde fondeados tomaremos un pícnic a bordo – Pola tarde parada no porto de Vilanova de Arousa ou en Vilagarcía de Arousa, para selar a nosa credencial (1 hora) e á tardiña navegación ata o porto de Cabo de Cruz (Boiro) onde faremos noite (ou viceversa). Cea libre.
Noite amarrados no porto de Cabo de Cruz ou Vilanova de Arousa a bordo do veleiro.

Cuarto día, ascenso do río e andaina ata Santiago – (ascenso río Ulla 12 millas + 7 km camiñando). Desembarcamos e collemos unha barca para facer o ascenso do río Ulla, a Traslatio (12 millas – 1 hora de navegación), que nos deixa en Pontecesures (a 3 km de Padrón). Neste punto, o peregrino pode optar por camiñar os últimos 25 km do Camiño de Santiago, xusto dende onde nos deixa a barca en Pontecesures, ou por facer só os últimos 7 km, que son os obrigatorios, dende O Milladoiro (de Pontecesures ao Milladoiro fanse en coche).
Opcionais: realizar 25 km camiñando de Padrón a Santiago de Compostela (último tramo do Camiño Portugués). Desta maneira, dende que te embarcas ata que chegas a Santiago de Compostela non utilizas medios por estrada.
O prezo inclúe:

Navegación en veleiro con patrón (o patrón fai de guía a bordo).
Aloxamento a bordo durante a travesía e o día anterior á data de saída. Camarotes compartidos.
Sabas de abaixo e almofadas nos camarotes. Terás que traer saco de durmir!
Seguro de embarcación.
Combustible.
Amarres en portos.
Visita e permisos de fondeo en Cíes e Ons – Parque Nacional Marítimo-Terrestre das Illas Atlánticas de Galicia.
Almorzo e comida a base de petiscos a bordo (para as ceas podes optar por saír a un restaurante, xa que sempre durmimos atracados en porto, ou podes facer uso da cociña de a bordo).
Snacks (froitos secos, froita) e auga a bordo.
Ascenso río Ulla de Pontecesures a Padrón en lancha a motor.
Credencial do peregrino.
O prezo NON inclúe:

Ceas.
Guía acompañante (o patrón fai de guía a bordo e axúdache en todo durante a navegación e os días que pases a bordo connosco).
Aloxamento en hoteis no caso de que prefiras facer noite en hotel en lugar de no barco.
Traslados ao porto de saída (Vigo) e de Santiago de Compostela ao lugar de orixe.
Traslados dende o último porto (Boiro) á vila do Milladoiro en Santiago para facer os últimos 7 km do Camiño (extra de 50 € por taxi).
Traslados de maletas.
Hotel en Santiago de Compostela (en caso de quedar a facer noite en Santiago ao finalizar a ruta).
Extras dispoñibles:

Servizo de taxi e/ou maletas de Boiro a Santiago: 60 € para un máximo de 4 persoas e/ou 4 maletas.
Shuttle service de Vigo a Santiago ou viceversa: 180 € para cada 6 persoas.
Shuttle service de Porto a Vigo ou viceversa: 200 € para cada 6 persoas.
Aloxamento á metade de camiño en albergues ou hoteis; consultar.
Normas:

As normas aprobadas polo Cabido Catedralicio da Catedral de Santiago para obter a Compostela seguindo a ruta do mar (Travesía Náutica Xacobea) son:

Esta credencial do peregrino é só para aqueles peregrinos que realizan o Camiño de Santiago a vela, con sentido cristián, aínda que só sexa en actitude de busca. A credencial ten o obxectivo de identificar o peregrino.

A Compostela concédese só a quen fai a peregrinación con sentido cristián: devotionis affectu, voti vel pietatis causa, e só aos que chegan ata a tumba do Apóstolo despois de facer 90 millas náuticas a vela e de camiñar os últimos 7 km dende a vila do Milladoiro (Camiño Portugués) ata Santiago de Compostela.