Galicia, un referente enQue ten que cumprir unha empresa para formar parte de Galicia Destino Sostible?
Aquí explicamos os requisitos que debe cumprir a súa empresa para formar parte do Club Galicia Destino Sostible.
Todas as entidades que soliciten a adhesión deberán cumprir o seguinte
- Ser unha entidade con ánimo de lucro.
- Estar inscrito no Rexistro de Empresas e Actividades Turísticas da Xunta de Galicia.
A continuación, indicamos as dúas formas existentes para cumprir cos requisitos de sustentabilidade:
Habilitantes
Poderán incorporarse directamente todas as empresas que cumpran polo menos un dos requisitos de habilitación, é dicir, que xa estean en posesión dalgunha certificación oficial ambiental ou de sustentabilidade, enviando a correspondente acreditación a través do formulario web.
Obrigatorio e valorables
Tamén poderán incorporarse a través da declaración responsable vinculante do formulario web aquelas empresas que cumpran todos os requisitos obrigatorios e polo menos o 33% das susceptibles de ser avaliables.
Restaurantes
Aloxamentos
Axencias de viaces
Empresas turísticas complementarias
Como podo unirme?
Solicitar a adhesión
Encha o formulario de adhesión
Achegar a documentación que acredite o cumprimento dos requisitos para a cualificación
Asinar a declaración responsable vinculante de cumprimento de requisitos e aceptación de obrigas
Revisión do cumprimento dos requisitos
O equipo de Galicia Destino Sostible analizará a túa solicitude de adhesión e, se é o caso, porase en contacto contigo para solicitar a documentación que acredite que reúnes os requisitos que indicaches no formulario.
Unha vez obtida toda a documentación, a súa candidatura será analizada polo Comité, que será quen valide a pertenza da súa empresa ao club.
Validación e aceptación
Unha vez validada e aceptada a solicitude, recibirá por correo electrónico as claves para acceder á área privada.
Daráselle unha breve guía que explica como crear unha experiencia turística sostible para o cliente final.
Goza dos beneficios
Poderás crear e xestionar as túas propias experiencias de turismo sostible co apoio do noso equipo técnico; e beneficiarse do resto de vantaxes de formar parte de Galicia Destino Sostible.
Seguimento das empresas asociadas
Dende o club queremos xerar confianza tanto nos clientes finais como nas empresas que forman parte ou están interesadas en formar parte de Galicia Destino Sostible.
Por este motivo, cada dous anos realizarase unha auditoría dun número representativo de empresas socias. O obxectivo desta auditoría é garantir que se seguen cumprindo os requisitos de sustentabilidade indicados ao incorporarse e que hai unha mellora continua dos valores de sustentabilidade da empresa.
Preguntas frecuentes
Que a empresa ou actividade se localicen en Galicia e que o operador da oferta estea disposto a adquirir un compromiso responsable de calidade e sustentabilidade, contribuíndo ao cumprimento dos Obxectivos de Desenvolvemento Sostible que marca Europa na súa Axenda 2030. Estes requisitos están relacionados coa xestión eficiente da enerxía e os recursos naturais, o uso de fontes de enerxía renovables, a redución da pegada de carbono, o respecto ao medio ambiente e á biodiversidade da zona, a contratación de persoal local, o consumo responsable e a compra de produtos de proximidade, a contribución á economía circular, a protección da cultura e o patrimonio histórico da rexión, etc.
O Club de produto Galicia destino sostible conta con dous niveis de organización, un directivo e outro operativo. O nivel operativo, formado polo Clúster de Turismo de Galicia, é o responsable de contrastar e validar a información achegada pola empresa que solicita a adhesión.
O Clúster de Turismo de Galicia poderá, durante o proceso de adhesión ou con posterioridade, auditar ás empresas aspirantes ou asociadas para verificar que realmente se están cumprindo cos requisitos esixidos.
A adhesión a Galicia destino sostible supón a aposta por un modelo de turismo diferente baseado na sustentabilidade. Con todo, a pertenza ao club non supón que os empresarios renuncien a produtos turísticos que xa estean a funcionar, sobre todo se estes están moi consolidades e son rendibles desde o punto de vista socioeconómico.
A pertenza ao club tampouco supón exclusividade. É dicir, cada empresario poderá desenvolver as súas propias estratexias para participar noutros clubs de produto ou vender a súa oferta por outros medios.
Actualmente a adhesión a Galicia destino sostible é gratuíta. A pertenza ao club non só non supón un custo para o empresario, senón que facilita o acceso ao financiamento público destinada á creación de produto turístico sostible en Galicia, ademais de apoio técnico e formación.
Con todo, os socios de Galicia destino sostible comprométense ao entrar no club a participar no financiamento do mesmo mediante as cotas ou procedementos que se establezan.
Isto significa que, se nun futuro a adhesión a Galicia destino sostible supuxese o pago dunha cota anual ou mensual, as empresas adheridas que quixesen manter a súa pertenza ao club terían que abonala.
Unha vez aprobada a adhesión ao club, o operador recibirá un email coas claves de acceso á área privada da web, a través da cal poderá engadir oferta turística sostible á sección correspondente.
A empresa recibirá, ademais, unha guía para a configuración dos produtos turísticos sostibles, na que se especificarán os atributos que os produtos ademais dun persoal para homoxeneizar o traspaso de información e facilitar a subida de contidos.
A baixa producirase de forma automática para aquelas empresas que non realizan en prazo o proceso de renovación de forma anual. Ademais, poderá realizarse de forma proactiva a solicitude de non renovación de adhesión ao club.
